Газрын нэгдсэн бодлого, тогтолцоог бүрдүүлж, газар ашиглах, эзэмших, өмчлөх эрх зүйн зохицуулалтыг боловсронгуй болгох, нийгэм, эдийн засгийн хөгжлийн явцад газартай холбоотой олон талт харилцааг 2002 онд батлагдсан Газрын тухай хуулиар зохицуулах боломжгүй болсон. Өөрөөр хэлбэл тус хуулийг боловсронгуй болгох өөрчлөх шаардлага тулгарсан учраас Монгол Улсын Засгийн газраас
2022 оны 06 дугаар сарын 17-ны өдөр Улсын Их Хуралд өргөн мэдүүлсэн Газрын багц хуулийн төсөл болох Газрын ерөнхий хууль, Газрын төлбөрийн тухай хууль, Кадастрын тухай хууль, Монгол Улсын иргэнд газар өмчлүүлэх тухай хууль, Нийгмийн зайлшгүй хэрэгцээг үндэслэн газар чөлөөлөх тухай хууль, Геодези, зураг зүйн тухай хууль, Хот байгуулалтын тухай хуулиудын шинэчилсэн найруулгын төсөлд санал авах хэлэлцүүлэг 2023 оны 01 дүгээр сарын 17-ны өдрийн 15:00 цагт Соёлын төвд зохион байгуулагдана. Хуулийн төсөлд иргэд, олон нийтийн санал хүсэлтийг тусгах шаардлагатай учраас тус хэлэлцүүлэгийг зохион байгуулах гэж байгаа учир иргэд та бүхэн идэвхитэй оролцоно уу!
