4G СҮЛЖЭЭ НЭВТРҮҮЛЛЭЭ
Дэвшилтэт технологи болох 4G сүлжээг Элст багт нэвтрүүлэх ажлын нээлтийн арга хэмжээ зохион байгуулагдаж малчид хотноосоо интернэтэд холбогдон, аливаа мэдээллийг цаг алдалгүй авч, төрийн болон бусад олон төрлийн үйлчилгээг гэрээсээ шуурхай авах боломж бүрдлээ.
Нээлтийн арга хэмжээнд ИТХ-ын дарга О.Оюун-Эрдэнэ, Сумын Засаг дарга Ч.Энхбаатар болон Юнител компаний төлөөлөл оролцлоо.
Тус нээлтийн арга хэмжээний үеэр "Юнител" ХХК-аас үйлчилгээний танилцуулга өгч гар утасны лизингтэй худалдаа болон сугалаатай, урамшуулалтай борлуулалт хийлээ.
Арга хэмжээнд зориулсан 32 бөх барилдсанаас Сумын Заан А.Ганбат түрүүлж Сумын Начин Ц.Бат-Очир үзүүрлэж Сумын Заан Х.Отгонбаяр Сумын Начин О.Гал-Од нар шөвгөрч амжилттай өндөрлөлөө.
