ИТХ-ЫН ТАНИЛЦУУЛГА

1992 оны 09 дүгээр сарын 18-нд шинэ үндсэн хуулинд нийцсэн сумын Иргэдийн Төлөөлөгчдийн Хурлын анхдугаар хуралдаанд ирвэл зохих 20 төлөөлөгчөөс 17 төлөөлөгч ирж, ирц 85%-тай хуралдаж Иргэдийн Төлөөлөгчдийн Хурлын анхны даргаар Д.Сосорбурам, нарийн бичгийн даргаар Ч.Балжир, Иргэдийн Төлөөлөгчдийн Хурлын Тэргүүлэгчдээр Н.Дамбачойдор, Ө.Пүрэвсүрэн, Г.Эрдэнэбилэг, А.Пүрэв, Г.Ухна нарын 5 хүнийг тус тус сонгож, Төлөөлөгчдийн бүрэн эрхийг зөвшөөрч, Иргэдийн Төлөөлөгчдийн Хурлаас сумын Засаг даргад Монгол ардын хувьсгалт намаас Н.Борхүү, С.Банди нар нэр дэвшин Төлөөлөгчдийн 76.9%-ийн санал авсан Н.Борхүүг аймгийн Засаг дарга сумын Засаг даргаар томилжээ.

Аймгийн Иргэдийн Төлөөлөгчдийн Хурлын Төлөөлөгчөөр Н.Борхүү, Ц.Чулуунбаатар, Л.Санжмятав нарыг 58,8-94,1%-ийн саналаар сонгожээ.

Тухайн үеийн хууль журмын хүрээнд 1992-1996 онд сумын Иргэдийн Төлөөлөгчдийн Хурлын Төлөөлөгчөөр 20 төлөөлөгч сонгогдож байсан бол 1996 оноос өнөөг хүртэл сумын Иргэдийн Төлөөлөгчдийн Хурлын Төлөөлөгчөөр 15 төлөөлөгч сонгогдон ажиллаж байна. Үе үеийн хурлын төлөөлөгчид ахмад, дунд, залуу үеийн төлөөлөл сонгогдож байсан тухайн үедээ хамгийн залуу төлөөлөгчөөр сонгогдсон 1992-2000 онд Т.Мөнхбаатар, 2000-2004 онд Т.Цэрэндорж, 2004-2008 онд Н.Энхбаяр, 2008-2012 онд А.Нүрмаа, 2012-2016 онд С.Буяндэлгэр, 2016-2020 онд З.Мөнгөнбагана, 2020-2024 онд Б.Сонинбаяр нар тухайн он жилүүддээ үе тэнгийн залуучуудаа манлайлан сумын Иргэдийн Төлөөлөгчдийн Хурлын төлөөлөгчөөр сонгогдсон байна.